स्मरणशक्ति बढाउने मनोवैज्ञानिक विधि

सबैले आ-आफ्नो स्मरण शक्ति बढाउन चाहन्छन् । तर यो कसरी बढ्छ मागेर कि घोकेर ? पढेर ? परिश्रम गरेर ? यो जन्मजात गुण हो कि आर्जित ? यस्ता प्रश्नहरू मनमा उठ्छ नै । कुनै पनि व्यक्तिको स्मरण शक्तिमा धेरै कुराले प्रभाव पारेको हुन्छ । मानिसले चाहेको खण्डमा यसलाई बढाउन वा सुधार्न सकिन्छ ।

Read more

अफिसबाटै फेसबुक च्याट

इन्टरनेट, प्रविधिको विकासले यतिखेर विश्वका सबै सेवा, सुविधा र मानिस यसको घेरामा आइसके। यो विश्व नै ग्लोबल भिलेजको रुपमा इन्टरनेटको मातहत भइसकेको छ। फरक फरक काम र कारणले मानिसहरु इन्टरनेटमा आवद्ध भइसकेका छन्। इमेल र वेबसाइटमा उपलब्ध सूचना र जानकारीका लागि मात्र नभएर एक अर्कामा मित्रता र सम्बन्ध विस्तारका लागि समेत इन्टरनेटको प्रयोग हुन थालेको छ। जसका लागि विश्वका सबै भन्दा धेरै जनसंख्याले प्रयोग गर्ने सामाजिक सञ्जाल फेसबुक अहिले इन्टरनेटको नै पर्याय हुन लागेको छ। किनभने यतिखेर इन्टरनेट चलाउने अधिकांश मानिस फेसबुक चलाउँछन्। विश्वको सबै भन्दा ठूलो र कुनै पनि देशको जनसंख्यालाई माथ दिने संख्याले चलाउने सामाजिक सञ्जाल फेसबुले विभिन्न भाषा र देशमा सामाजिक सञ्जाल मञ्च उपलब्ध गराइरहेको छ।

यतिखेर उपहारका रुपमा विभिन्न चकलेट र सामान बेच्ने तयारीमा रहेको फेसबुकले प्रयोगकर्तालाई भिडियो च्याट समेत गर्ने सुविधा दिइसकेको छ। तर यसको विशेषता भनेको सबै खालका सुविधा उपभोग गर्नका लागि यसमा लगइन गर्नुपर्छ अर्थात् एउटा एकाउन्ट त हुनै पर्छ। तर धेरै अफिस, स्कुल तथा कलेजहरुमा फेसबुक नखुल्ने बनाइएको हुन्छ। जसले गर्दा फेसबुकमा अनलाइन रहेका साथीभाईका गतिविधि छ हेर्न पाइन्न। च्याटको त कुरै भएन।

विश्वका धेरै देश, अफिस र स्कुलमा फेसबुक नचल्ने बनाइएको छ। अहिले त स्कुल, अफिस र कलेजहरुले आफ्नो नेटवर्कमा फेसबुक नै नखुल्ने बनाएका छन्। यस्तो अवस्थामा फेसबुकका गतिविधि र साथीभाईसँग च्याट कुराकानी, मेसेज नछुटाउनका लागि एउटा यस्तो सफ्टवेयर छ जसले तपाइँलाई फेसबुकसँग जहाँ पनि र जहिले पनि जोडिराख्छ। जसमा च्याट गर्नका लागि तपाइँ फेसबुकमा अनलाइन हुनै पर्दैन। फेसबुकमा आफू अनलाइन नभइकन नै अनलाइन रहेका साथीसँग च्याट गर्न सकिन्छ यसको प्रयोगबाट। यो सफ्टवेयरको नाम हो चिटच्याट फर फेसबुक। जसलाई कम्प्युटरमा इन्स्टल गरेर फेसबुक रोकिएका नेटवर्कबाट पनि फेसबुक च्याट गर्न सकिन्छ। यो यस्तो मेसेन्जर हो जसले विभिन्न प्रोक्सी सर्भरको प्रयोग गरेर फेसबुक निषेध गरिएका नेटवर्कमा पनि फेसबुक च्याट गर्न सकिन्छ। त्यसो त यसमा रहेका २० भन्दा बढी किबोर्ड सर्टकटले फेसबुक च्याट भइरहेको विण्डोलाई एक क्लिकमा नै स्क्रिनबाट हटाउन सकिन्छ। फेसबुक च्याटका लागि चिटच्याट इन्स्टल साथै यसका थप सुविधा थाहा पाउनका लागि यहाँ क्लिक गर्नुहोस्।

अनलाइन सामग्री राख्ने पकेट

सामग्री राख्ने पकेट

पकेटको अर्थ हुन्छ गोजी। जसमा हामी विभिन्न सामग्री राख्छौं। स्मार्टफोन प्रयोगकर्ताका लागि उपलब्ध निशुल्क एप पकेट पनि त्यस्तै पकेटको जसमा अनलाइनमा उपलब्ध विभिन्न सामग्रीहरु पछि प्रयोगका लागि सुरक्षित राख्न सकिन्छ। जुन तपाइँ यात्रा वा इन्टरनेट कनेक्सन नभएको स्थानमा प्रयोग गर्नसक्नुहुन्छ।

Apple and android app free_Free application to store online contents mobile, tablet and computers Pocketअनलाइनमा उपलब्ध कुनै पनि सामग्री चाहे त्यो भिडियो होस् या तस्वीर या कुनै लेख त्यसलाई आफूलाई उपयुक्त समयमा पढ्न तथा हर्ेनका लागि मोबाइलमा सेभ गर्ने एउटा सजिलो उपाय हो पकेट। यो एउटा यस्तो एप हो जसले तपाइँलाई विभिन्न वेबपेज साथै अनलाइनमा उपलब्ध तस्वीर, लेख वा भिडियो मोबाइलमा सुरक्षित राख्न सहयोग गर्छ। यो एप तपाइँले आफ्नो कम्प्युटर, ट्याब्लेट अनि स्मार्टफोनमा प्रयोग गर्न सक्नुहुन्छ। यदी कुनै भिडियो वा वेबसाइटको सामग्रीलाई तपाइँले स्मार्टफोनमा यो एप प्रयोग गरेर सेभ गर्नुभयो भने पनि तपाइँले आफ्नो ट्याब्लेट अनि कम्प्युटरमा पनि उक्त सामग्री हेर्न सक्नुहुन्छ। यसले तपाइँको कम्प्युटर र ट्याब्लेटलाई आफै सिंक गर्छ। पछि सुरक्षित गरिएका सामग्री इन्टरनेट कनेक्सन बिना नै हेर्न सकिन्छ।

यो एप एण्ड्रोइड उपकरणमा राख्नका लागि यहाँ क्लिक गर्नुहोस्

यो एप एप्पलमा राख्नका लागि यहाँ क्लिक गर्नुहोस्

Source : doorsanchar.com